ନିଜ ଜୀବନକୁ ବାଜି ଲଗାଇ ଶିଶୁକୁ ବଞ୍ଚାଇଥିଲେ ରେଳବାଇର କର୍ମଚାରୀ, ଏବେ ମିଳିବ ବାଇକ ଉପହାର

ନୂଆଦିଲ୍ଲୀ: ଭାରତୀୟ ରେଳର କର୍ମଚାରୀ ମୟୁର ସେ‌ଲକେ ନିଜ ଜୀବନକୁ ବାଜି ଲଗାଇ ଜଣେ ଛୋଟ ଛୁଆର ଜୀବନ ବଞ୍ଚାଇଥିଲେ । ସେ ରେଳବାଇରେ ଜଣେ ପଏଣ୍ଟମ୍ୟାନ ଭାବେ କାମ କରନ୍ତି।

ନିକଟରେ ସେ ରେଳଧାରଣାରେ ଖସି ପଡ଼ିଥିବା ଶିଶୁକୁ ବଞ୍ଚାଇବା ପାଇଁ ନିଜ ଜୀବନକୁ ବାଜି ଲଗାଇ ଦେଇଥିଲେ। ଏହି ଘଟଣାର ଏକ ସିସିଟିଭି ଫୁଟେଜ ଭାଇରାଲ ହୋଇଥିଲା। ଏହି ଭାଇରାଲ ଭିଡିଓ ଜାୱା ମୋଟରସାଇକେଲ କମ୍ପାନିର ମାଲିକ ତଥା ନିର୍ଦେଶକ ଅନୁପମ ଥରେଜାଙ୍କ ଆଖିରେ ପଡ଼ିଥିଲା। ସେ ମୟୁରଙ୍କ ନିସ୍ବାର୍ଥପର କାମକୁ ଭୁରିଭୁରି ପ୍ରଶଂସା କରିଥିଲେ। ଏଥିସହିତ ମୟୁରଙ୍କୁ ଏକ ମୋଟରସାଇକେଲ ଉପହାର ଦେବ ବୋଲି କହିଛନ୍ତି। ଜାୱା ପରିବାର କୋଣଅନୁକୋଣରୁ ବାସ୍ତବ ହିରୋଙ୍କୁ ଚିହ୍ନି ସେମାନଙ୍କୁ ସମ୍ମାନିତ କରିଥାଏ।

Pointsman Mayur Shelke’s courage has the Jawa Motorcycles family in awe. Humbled by his act of exemplary bravery, truly the stuff of legends. And we’d like to honour this brave gentleman by awarding him with a Jawa Motorcycle as part of the #JawaHeroes initiative. @RailMinIndia pic.twitter.com/QJfDJb5kr9

— Anupam Thareja (@reach_anupam) April 20, 2021

ମୟୂର ସେଲକେ ରେଳବାଇରେ ପଏଣ୍ଟମ୍ୟାନ୍ ଭାବରେ କାମ କରନ୍ତି । ଏପ୍ରିଲ ୧୭ ତାରିଖରେ ଭଙ୍ଗାନି ରେଳ ଷ୍ଟେସନରେ ଶିଶୁଟିଏ ରେଳଧାରଣାରେ ଖସି ପଡ଼ିଥିଲା। ସେ ଏହା ଦେଖିବା ପରେ ନିଜ ଜୀବନକୁ ଖାତିର ନ କରି ଶିଶୁର ଜୀବନ ରକ୍ଷା କରିଥିଲେ। ଏଭଳି କାମକୁ ଦେଖି କେନ୍ଦ୍ରୀୟ ରେଳ ଅଧିକାରୀମାନେ ସେଲକେଙ୍କ ସାହସକୁ ପ୍ରଶଂସା କରିବା ସହ ସାହସୀ ରେଳ କର୍ମଚାରୀଙ୍କ ପାଇଁ ୫୦,୦୦୦ ଟଙ୍କା ନଗଦ ପୁରସ୍କାର ଘୋଷଣା କରିଥିଲେ।

Mayur Shelke didn’t have a costume or cape, but he showed more courage than the bravest movie SuperHero. All of us at the Jawa family salute him. In difficult times, Mayur has shown us that we just have to look around us for everyday people who show us the way to a better world.. https://t.co/O66sPv0A3k

— anand mahindra (@anandmahindra) April 20, 2021

ମହିନ୍ଦ୍ରା ଗ୍ରୁପ୍ ଅଧ୍ୟକ୍ଷ ଆନନ୍ଦ ମହିନ୍ଦ୍ରା କହିଛନ୍ତି, ମୟୁର ସେଲକେଙ୍କ ପାଖରେ ୟୁନିଫର୍ମ କି କ୍ୟାପ୍ ନ ଥିଲା, କିନ୍ତୁ ସେ କୌଣସି ଫିଲ୍ମର ସୁପରହିରୋ ଅପେକ୍ଷା ଅଧିକ ସାହସ ପ୍ରଦର୍ଶନ କରିଥିଲେ।

The post ନିଜ ଜୀବନକୁ ବାଜି ଲଗାଇ ଶିଶୁକୁ ବଞ୍ଚାଇଥିଲେ ରେଳବାଇର କର୍ମଚାରୀ, ଏବେ ମିଳିବ ବାଇକ ଉପହାର first appeared on Sambad.

from ବିଶେଷ | Sambad https://ift.tt/3xbP7jn